VeeraSivaji Tamil Movie Review

விக்ரம் பிரபு இது என்ன மாயம், வாகா போன்ற படங்களால் கொஞ்சம் சறுக்கலில் உள்ளார். இவருக்கு இந்த நேரத்தில் கண்டிப்பாக ஒரு வெற்றி தேவை என்ற நிலையில் தகராறு படத்தின் இயக்குனர் கணேஷ் விநாயக் கூட்டணியில் வீரசிவாஜி படத்தின் மூலம் களம் இறங்கியுள்ளார். விக்ரம் பிரபு சறுக்கலில் இருந்து மீண்டாரா? பார்ப்போம்.

கதைக்களம்

விக்ரம் பிரபு கால் டாக்ஸி ட்ரைவராக பாண்டிச்சேரியில் இருக்கிறார். அவர் அனாதையாக இருந்தாலும் சொந்த அக்கா போல் பாத்துக்கொள்கிறார் வினோதினி.
வினோதினியின் குழந்தைக்கு மூளையில் கட்டி வர, உடனே ரூ 25 லட்சம் தேவைப்படுகின்றது.
கால் டாக்ஸி விற்று ரூ 5 லட்சம் ஏற்பாடு செய்கிறார், அந்த நேரத்தில் தான் யோகிபாபு, ரோபோ ஷங்கர் மூலம் ஜான் விஜய் அறிமுகம் கிடைக்கின்றது.
அவர் குறைந்த பணத்திற்கு அதிக பணம் தருவதாக கூறி பணத்தை வாங்கி ஏமாற்றி செல்கிறார். அதன் பிறகு அந்த கும்பலை கண்டுப்பிடித்தாரா, குழந்தைக்கு அறுவை சிகிச்சை நடந்ததா என்பதே மீதிக்கதை.

படத்தை பற்றிய அலசல்

விக்ரம் பிரபு கால் டாக்ஸி ட்ரைவராக வந்தாலும் கலர்புல்லாக தான் இருக்கிறார், ஆக்‌ஷனில் அதிரடி காட்டினாலும் இன்னும் ரொமான்ஸில் கஷ்டப்படுகின்றார். அமைதியாக நடிக்க சொன்னால் செம்ம ஸ்கோர் செய்துவிடுகிறார், அதே நேரத்தில் துறுதுறு நடிப்பில் முன்னேற்றம் தேவை சார்.
ஷாம்லி நீண்ட வருடங்களுக்கு பிறகு தமிழ் சினிமாவில் காலடி எடுத்து வைக்கின்றார். பேபி ஷாம்லி தற்போது ஹீரோயின் ஷாம்லி, ஆனால், இவர் நடிப்பதற்கு கொஞ்சம் கூட ஸ்கோப் இல்லை, அதிலும் டப்பிங் வாய்ஸ் எங்கும் செட் ஆகவில்லை. வழக்கமான ஹீரோயின் போல் காதல், டூயட் மட்டுமே.
படத்தின் பெரிய ப்ளஸ் யோகிபாபு, ரோபோ ஷங்கர் கூட்டணி தான். ரமேஷ், சுரேஷ் என காமெடியில் கலக்கியுள்ளனர். அதிலும் யோகி பாபு பேச ஆரம்பித்தாலே சிரிப்பு சரவெடி தான். மேலும் ஜான் விஜய், மொட்ட ராஜேந்திரன் எல்லாம் வழக்கமான ஓவர் ஆக்டிங் தான்.
படத்தின் முதல் பாதி எதை நோக்கி செல்கிறது என்று தெரியாமலே சென்றாலும், குறிப்பிட்ட நேரத்திற்கு பிறகு படம் செம்ம சூடு பிடிக்கின்றது. வேகவேகமாக செல்லும் திரைக்கதையில் இடைவேளை வர, அடுத்து என்ன என்று நிமிர்ந்து உட்கார, அதன் பிறகு இயக்குனருக்கே படத்தை எங்கு கொண்டு செல்வது என்று தெரியாமல் குழம்பி நின்றுள்ளார்.
இமான் இசையில் பாடல்கள் எல்லாம் நன்றாக இருந்தாலும் எங்கோ கேட்டது போலவே ஒரு பீலிங். அதைவிட பின்னணி இசை படத்தில் காட்சி வருவதற்கு முன்பே இசை வந்து காதை பதம் பார்க்கின்றது.

க்ளாப்ஸ்

படத்தின் முதல் பாதியில் வரும் ஒரு சில சேஸிங் காட்சிகள்.
ஒளிப்பதிவு பாண்டிச்சேரியை ஏதோ பாரீன் போல் காட்டியுள்ளார்கள்.

பல்ப்ஸ்

திரைக்கதை குறிப்பாக இரண்டாம் பாதியில்.
காதல் காட்சிகள், லாஜிக் மீறல்கள்.

மொத்தத்தில் வீரம் குறைந்தே உள்ளது இந்த சிவாஜி.

Comments

Post a Comment

Popular posts from this blog

Jayalalithaa, who came to pay tribute to the persecution that befell Vadivel

Image
ஜெயலலிதாவிற்கு அஞ்சலி செலுத்த வந்த வடிவேலுக்கு நேர்ந்த கொடுமை ஜெயலலிதா மறைவு ஒட்டுமொத்த இந்தியாவேயே அதிர்ச்சியில் ஆழ்த்தியது. இந்நிலையில் வடிவேலு ஜெயலலிதாவிற்கு எதிராக பிரச்சாரத்தில் ஈடுப்பட்டது அனைவரும் அறிந்ததே. அதை தொடர்ந்து அவர் 5 வருடங்களாக எந்த ஒரு படங்களிலும் நடிக்கவில்லை, தற்போது கத்திச்சண்டை படத்தில் நடித்துள்ளார். நேற்று முதல்வருக்கு அஞ்சலி செலுத்த வந்த வடிவேலுவை உள்ளே விடவில்லையாம், இதுக்குறித்து ‘கடைசியாக அந்த தாய் முகத்தை பார்க்கலாம் என்று வந்தேன், ஆனால், கூட்டம் காரணமாக பார்க்க முடியவில்லை’ என்று சமாளித்து பேசினார்.
Read more

DhuruvangalPathinaaru Tamil Movie Review

Image
தமிழ் சினிமாவில் எப்போதாவது தான் மாற்று சினிமா வரும். ரசிகர்கள் ஒரே மாதிரியான மசாலா படங்களை பார்த்து எப்போது வித்தியாசமான படங்களை கோலிவுட்டில் கொடுப்பார்கள் என காத்திருக்க, அவர்களுக்காகவே வந்துள்ளது இந்த துருவங்கள் பதினாறு.   கதைக்களம் படத்தின் ஆரம்பத்திலேயே ஒரு கொலை, ஒரு விபத்து நடக்கின்றது, இதை கண்டுப்பிடிக்க தீவிர முயற்சியில் இறங்குகிறார் ரகுமான். அதை தொடர்ந்து இந்த கொலைகளை யார் செய்தது, அந்த விபத்து எப்படி நடந்தது, இந்த கொலைக்கும், அந்த விபத்திற்கும் என்ன சம்மந்தம் என அடுத்தடுத்து பல டுவிஸ்டுகளுடன் படம் நகர்கின்றது. படத்தின் கதை இனி சொன்னால் சுவாரசியம் குறைந்துவிடும் என்பதற்காக இதோடு நிறுத்தியுள்ளோம். படத்தை பற்றிய அலசல் கிரைம் த்ரில்லர் வகை படங்கள் தமிழ் சினிமாவில் ஏன், இந்திய சினிமாவிலேயே வருவது அரிது, பெரிதும் ஹாலிவுட், கொரீயன் படங்களில் தான் இதுப்போன்ற புலானய்வு கிரைம் படங்கள் வரும். கொரீயன் பட பாணியில் எந்த ஒரு படத்தின் தழுவலும் இல்லாமல் இருக்கின்றது இந்த துருவங்கள் பதினாறு. மேலும், படத்தில் ரகுமானை தவிர வேறு எந்த முகங்களும் நமக்கு பரிச்சயம் இல்லை, ...
Read more

Modified release film script Suseenthran

Image
வெளியான  படத்திற்கு திரைக்கதையை மாற்றிய சுசீந்திரன், மாவீரன் கிட்டு படக்குழுவினர்கள் அதிரடி மாவீரன் கிட்டு கடந்த வாரம் வெளிவந்து பலராலும் பாராட்டப்பட்டு வருகின்றது. இப்படம் பல இடங்களில் வெற்றி நடைப்போடுகின்றது. இந்நிலையில் இன்று முதல் இப்படத்தின் இரண்டாம் பாதியில் திரைக்கதை மாற்றம் செய்யப்பட்டுள்ளதாக கூறியுள்ளனர். இவை கண்டிப்பாக ஒரு புது முயற்சி தான், இதன் மூலம் படத்திற்கு இன்னும் கூட்டம் வர வாய்ப்புள்ளது.
Read more